1

KUMPULAN PUISI BERBAHASA BUGIS

SENGERENG

Riwettu siduppa matata

engka sEengereng tampuredde’i ukka timuku

mataEsso riile matammu

palluwai lorongenna sEngerekku

nannEnnEna mancaji wara

paccoloi tEkkEna uddanikku

tetti picakiwi buku aroku

iyafura mattekkewe nataro sino-sino enrengnge aranggaselang

aga natattimpa”na atikku

sellu’ni muttama werung angin manyamengnge.

‘Asmara’ versi Bahasa Bugis A S H 1985

YAE WENNIE

E Fuangku,

engkakamai folE ritangabenni masino-sinoE

rielle’na lEmpe tasebbEwE enrengngE zikkiri

iya matiwiEngngi fappedennikku rionrong temmakkewiringngE

E Fuangku,

engkakamai folE ritangabenni masino-sinoE

folE riassolo’na akkamasEwE enrengngE fappoji

iya tellengengngi fappEneddikku rilalenna

fappEnyameng tenrigangkaE

aga nasuju’na fappoji-fojikku sibawa nio-nio masinoE

mappakutana alE riSESETA

rimuka engkana makkullE riSESETA

sininna anu temmakkullEwE riwatakkalEku.

‘ Malam Ini’ versi Bahasa Bugis A S H 28 Mei 1988

ZIKKIRI

Uruwi manya-manyani zikkiri’ku

rionrowang masini-sinoE… tassiseng-siseng

mallira-lira ati

massanra fenedding

aga nalEsang baja-bajana fakkullEakku

lappE takkelle’ nalaowang kati-ati

leppe’ni butta manettoni sininna uddanikku

riwaja futta rilaleng fammasETa’.

‘Zikir’ versi Bahasa Bugis A S H 26 Juli 1989

AKKENGAUWANG

Fine’ Idi’ kuwingngerang

fine’ macawEkka usedding riSESETA

Fine’ Idi’ kuuddaniwi

fine’ mabElaka’ usedding riSESETA

Fine’ Idi’ kusappa

fine’ alEku kulolongeng.

TAPARAJAIYAKKENG ADDAMPENG,
PAPPASSALAMA RI TO MALEBBIKENG BATARA TUNGKE’NA TANA BONE TANA SUMANGE'
H.ANDI FAHSAR MAHDIN PADJALANGI ENRENGGNGE H.AMBO DALLE ININNAWA TEMMALLAISENG
KUWAETTOPA  MASSIWAWA, IYA KIALEBBIRIE NENNIYA KITANREREANGNGE ALEBBIRENNA.
KUAETTOPA PASSIAJING SOMPUNG LOLOKENG ENGKAE RI WALA-WALA
BARUGA PANGADERENG AMANGKAUKENNA TANA BONE TANA SUMANGE'.
TAPARAJAIYAKKENG ADDAMPENG, 
UPAPPOLO ADAWA-DAWANG BICARA
KUPABBARIADA MAPPAKATUNA ALE PARANRU MINASA PADDENNUANG,
PALORO TAMPU' KALAWING ATI, PAKKALU ADA MAMASE-MASE
BICARA MAKKEWARI NA MATTUPPU ADE’
IKKENG MAI SILISE SIPADANGENNA PAMMARENTA
KUAETTOPA PABBANUANNA TANA BONE TANA SUMANGE'
TAPARAJAIYAKKENG ADDAMPENG,
RENNU MAKKERENNU RIJUJUNG RI PABOTTO ULU,
RI PATE’ RI PAKKA-PAKKA ULAWENG, TANRANG RENNU RIKALAWING ATI
RI ALAI ADDAUNGENG RI BATE NA PAWARI-E LONTARA ATTORIOLONG
RISIKKIRENG BIRITTA, NATURUNGI SILENGERENG,
NASIMPANUANGNGI SIPADANGENG,
NAPOLEI TOANA MALEBBI TENREREANGENGNGI ARAJANNA
KUAETTOPA ALEBBIRENNA LIPUNA TANA BONE  TANA SUMANGE’
TAPARAJAIYAKKENG ADDAMPENG,
SALAMA’KI TEMMARIULENG RITANA ASALAMAKENNA TANAE RI BONE
RIWATA’KI CENDE PAPPAKARAJA
RISARAKENG TETTONGENG TEDDUNG DEWATA RI LANGI
NASEREI PASERE ALUSU’ NARAGA-RAGA GENRANG BALI SUMANGE
RIPALETEKI’ RI PUTE INNONG-KINNONG TALUTTU PAPPAKALEBBI
RI PATIJJANG RI LANGKANA ARAJANG
NARIPADDIRATEI COKKONG
IYANARITU  RI COKKONGENG PANGADERENG
TANA BONE KURU' SUMANGE'
MAJEPPU RITU NASAPPONI ADE'
NAKALEWOI BESSI MALELA, BATARA TUNGKE’NA TANA SUMANGE'
RI ENGKATTA  MAI  RILIPU PANGADERENGNA  TANA BONE
PALISU SUMANGE, PASSAU UDDANI SIKUAE LAMPE ITTANA
MINASA PASILENNERENGNGI ADA PURAE RI PUTANRA
MAELOTA PATALLEI  MAJJAJARENG, ADE PURA ONRONA  TANA SUMANGE'
IYANARITU “ BONE TANA SUMANGE' BONE KURU SUMANGE'" PAKKESSEI AJJUARENG IKKENG MAI.
TAPARAJAIYAKKENG ADDAMPENG,
NAIYYA PABALI’ SUMANGE PAENRE’ ATUONG RI LINO
RI LIPUNA TANA BONE TANA SUMANGE'
MAUNI BOSI RI TENGNGA DOLANGENG
MASSOLO' RI PADANGNGE SIYA, NAMALI SARAE
TUWO SIWOLLONG-POLLONG RI LINO
KUAETTOPA MATTI LIMBANG RIMAJE

SALAMA' TOPADA SALAMAlu La Baco ri

 laleng tojang

tania lupuMARADDE, MALLEFA
Maradde mallefani sulesuren, Maradde mallefani sellao
Maradde mallefani sappo, Maraddeni abengongetta
Mallefani sirita
Dega tesamperomata baliita
Temmakulle, tammarewa, naiiya temmaka facuribiangi
Dega tesamperomatai
Temmaka bennyu, temmaka makkarete’na
………… aradekketta naiyya accinongetta
Marakko, makkaring
……….. nalaboi pulando paccocoren abbatung parewa cella/ulaweng
Maffelli, dara’-darang
……….. nalaboi pulando paccocoren abbatung minnya’
Defaga tajeppui, abenggongetta
……….. toli malaga, maronta, mappabacu rifada’ta idi
……….. siafu-afu, lari lao cungke, temmaboko
Defaga tajeppui, temmaka-maka apeddiretta, acappureng,
……….. acarumeccekeng naiiyya ateddengenta’
Narekko malilu’ki, pada takko lebanni
Pada tejeppui, makkeda allaisengenta mappasikua, temmailo siwette
Tajeppui …
Fassoajanni asoccangetta, Falimbanni ataromposetta, Fasuruni poji rialeta
Tafada fatuppuni faemeng ate’tongetta
Tomasiddi, sirewa-rewa
Tofada masolo’, macile, sirenreng, sifaraga-raga
Manguju risalo nyameng ininnawa, naiyya massidi adisingen faimen

TADDAMPENGENGNGA MARAJA
IYE TABE ......................TABE .............................TABE
TADDAMPENGENGNGA RILANGKANA TUDANGETTA
RITUDANGE JAJARETTA
KULAKKE-LAKKEKANGNGI PASENG
RAMPE SEUWAE RIWANUANNA BONE
TANIA UPOMABUSUNG
KUSORONG RI PALELIMA
SALAMA SUMANGE BENNANG PATI
TORILOLANGENG TALINGKENNA LABELA
MAKKEDAI LAMENGRIRANA
ENGKA GARE ANA PATTOLA
ANAKKARUNG MPULAWENG PALILINA BONE
RIRAMPE RILALENG LIPU
LETTU LAO RI SALIWENG PANUWA
NAPOUNGA - UNGA TIMUIYA BELA ANA PATTOLA
NAUJU SIA PAKKITA
ANA SIPAJAJIANG NAGILING SIAMELLERI
TEPPASIPAJAJIANG GAU MASALA
MASALA RIPANGKAUKENG
MAKKITA RITAJANG MASSEWAE
NASALEORI APPASE SIMULAJAJI
MUTOKKONG RIENGKAMU MAKKITA TAJANG
ASSEUWANNA DEWATAE
EPAJAJIAYANGNGENGNGI SEUWA-SEUWAE
PURATO MADDIONRO
KURUMAI SUMANGE'MU
NASABA PAKKEGELLI DEWATAE
TUDANG SARA TEA PANGADERENG
PATTARO ADE MAPPURA ONRO
NARILADUNG NA SIA
AWE KASI ..... AWE...........................
SOKKUNI SIA MINASATTA
MAPPURA ONRONI ASSAMATURUSETTA
PURA TOTONI MINASAE
LIMBANGNI SIA RI MAJE
LETENI RI PAMMASSEARENG
NAWA-NAWAI TODDONA
TODDO PULI TELLARANA
AWE..................
SAGALA RITU MENNANG
AJA NAOMPO WARAKKARANG
TENGWIJA NALALENGI PAMALENA
PURA MADDIONRONI TOTOE
TOTO POLE RIPAMMASE SEUWWAE
ITAWA PUANG DEWATA
RI LIPU KASIWIANGKU
KUPUMADIMENG RIPAMMASE
SALIPUNA TEMMADINGING
AWE SEDDI PALE BULO-BULO
NAPOLEI SIPADDUWA
NAGILING SIAMELLERI SIPAJAJIANG GAU MASALA
MASALA RIPANGKAUKENG
NARIYASENNA MALAWENG

AWE ........
TENNA ELORI DEWATAE
NAPOSIRI TO MAEGAE
NAMAGELLI ANANGNGE
NAIYYA TAU MALAWENGNGE
SAPA TANA TULA PATTAUNGENG
TEPPARANRU RAUKAJU
TEPPALORONGI WELARENG
MABELAI GARE BOSIE
TEPPATUWO TANENG-TANENG
PAPOLEI WISESA
TEPPAJAJI NAWA-NAWA
AWE.........
RIAPPASENGENG ANA TENCAJI
AJA LALO NAITAI BATI
TENRITANENG TAUSENNA
AJA NALLENGNGE WIJANNA
NASABA PAKKEGELLI DEWATAE
PATTARO ADE MAPPURALLALOE

Rindu Terdalam untuk Ayah Ibu

Upaletturenggi sininna uddani marilalengku ri to matoakku malebbi’e

To matoa iya de’na pettu pa’doangenna ri ana’na

Makkuni wissenna de’ gaga pada-padanna pappojimu ri aleku

Makkutoni aleku
De’ ullei pappada-pada papojimmu rialeku
Iyami wisseng
Idi’na tau ulawenna linoe ri matakku
To matoakku teppettu parilloangenna ri Puangnge
Marillau adecengenna ana’-ana’na
Makkutongenna
De’gaga pada-padammu indo’, ambo’
Parillo doangengmi ulle willau ri Puang Allah Ta’ala
Tannapodo tuli salama’
Tannapodo ripassalama’ tuomu ri lino
Tuomu ri lino laingnge sangngadi
Uwillowangeng adisingeng
Tannapodo muita manemmoi ana’mu madeceng
Iya padae elo’mu
O indo’O ambo’
Sellengku marilaleng pole atikku
Ta’dampengengka iya’ ana’mu de’na malebbi’e